Novas do Concello
Cinceiros portátiles
O Concello de Oroso está a desenvolver desde hoxe ata
o xoves unha campaña de sensibilización entre as persoas fumadoras para combater
a reiterada aparición de cabichas no chan de espazos públicos e nas rúas. Con tal fin,
repartirá gratuitamente un total de 2.000 cinceiros portátiles para que as persoas
fumadoras se acostumen a utilizalos e non tiren as cabichas no chan.
Homenaxe á veciña de Bouzalonga Dolores Nouche Costa
O salón de plenos do Concello de Oroso acolleu o pasado domingo unha homenaxe á veciña de Bouzalonga Dolores Nouche Costa, represaliada polo franquismo.
Competencias dixitais
O Concello de Oroso convoca varios cursos gratuítos de ofimática con LibreOffice, preparatorio para a obtención do CODIX, certificación galega de competencias dixitais en ofimática que acredita que o seu posuidor ten os coñecementos, capacidades e aptitudes precisas en materia de ofimática.
Oficina Cl@ave
Co fin de acercar a administración a todos os veciños o Concello de Oroso pon en marcha un novo servizo para a solicitude do sistema Cl@ve de xeito que simplificará o sistema de acceso nos procesos de identificación ante a Administración.
“HumOroso”
O novo auditorio do Centro Cultural Fernando de
Casas Novoa de Sigüeiro acollerá os venres 3, 10 e 17 de febreiro e o venres 3 de marzo
o primeiro ciclo de monólogos e espectáculos de humor “HumOroso”, que contará
coa participación de artistas galegos de renome como Carlos Blanco; Federico Pérez
e Marcos Pereiro; Carmen Méndez, Ledicia Sola e Marta Doviro; e David Perdomo.
I Xornadas da Saúde
O alcalde de Oroso, Luis Rey, a concelleira de
Sanidade, Beatriz Rodeiro, e a directora de TodoSaúde Clínica Integral, Ángeles
Saavedra, presentaron esta mañá as I Xornadas da Saúde que se celebrarán os días
24, 25 e 31 de xaneiro e 2 de febreiro coa finalidade de promover estilos de vida
saudables e de axudar á veciñanza a coidarse.
Novo Centro Deportivo Multiusos
O alcalde de Oroso, Luis Rey, e o concelleiro de
Deportes, Antonio Leira, mantiveron na noite de onte unha reunión cunha trintena de
directivos e representantes dos clubs deportivos do municipio para presentarlle o
proxecto do novo Centro Deportivo Multiusos de Sigüeiro que agardan comezar a
construír a finais de ano nunha parcela situada fronte ao CEIP Camiño Inglés.
