Digitalizadas
Fundación Mujeres comeza unha nova convocatoria “#Digitalizadas”, un programa para aumentar as túas habilidades dixitais e as túas oportunidades de emprego.
Trátase dunha oferta formativa en liña que consta de dous talleres de habilidades dixitais para o emprego e para o emprendemento.
En Fundación Mujeres a través do proxecto “Digitalizadas”, apostase por unha oferta formativa en liña que permita chegar a todas as mulleres e impulsar a súa influencia persoal e profesional na internet.
Hai programados seis talleres en liña gratuítos para a mellora das habilidades dixitais das mulleres en materia de emprego e en materia de emprendemento. A través da adquisición de diferentes competencias e coñecementos sobre os diferentes recursos que teñen á súa disposición en liña, poderán mellorar os seus obxectivos profesionais e empresariais.
· Elaborar un cv, facer uso avanzado dos procesadores de texto ou coñecer como funcionan os portais de emprego dixitais son cuestións esenciais que poderás coñecer no taller "Habilidades dixitais para o emprego".
· Adquirir coñecementos básicos de Marketing e Identidade Dixital ou como crear e usar un blogue, son cuestións esenciais para emprendedoras que poderás coñecer no taller "Habilidades dixitais para o emprendemento"
As prazas en cada un dos talleres son limitadas e están dirxidos a mulleres residentes en localidades do ámbito rural.
Consulta as seguintes ligazóns para coñecer máis información sobre as datas das convocatorias e os prazos de inscrición dos talleres:
· Habilidades dixitais para o emprego (xullo)
· Habilidades dixitais para o emprendemento (xullo)
A través desas ligazóns poderás acceder ao formulario de inscrición e á mini-guía de cada un dos talleres.
Se o prefires podes acudir á aula de formación EducaOroso para a realización dos mesmos, para os que escollemos as seguintes datas:
· Habilidades dixitais para o emprego (xullo): Martes 20 e mércores 21 de xullo (09:30 a 11:30 horas)
· Habilidades dixitais para o emprendemento (xullo):
Martes 27 e mércores 28 de xullo (09:30 a 11:30 horas)
